金象泰小館 德士古道

Open Now

Now Closed

今日一行二人嚟到呢間泰菜館，未夠七點入座率都已經有八、九成，咁岩就唔使等位，直接有得入。叫左碗冬蔭公海蝦球湯粉($、扎肉湯金邊粉、小食拼盤、生菜包，同一個椰青。冬蔭公海蝦球湯粉嘅海蝦球份量夠，蝦同面底都夠爽口，但冬蔭公湯底味道一般。味道比較淡，出唔到冬蔭公湯底應有嘅酸酸辣辣味，唔夠惹味，有點失望。扎肉湯金邊粉面底同樣夠爽口，但扎肉同湯底味道都一樣淡味。小食拼盤入面有三款小食，分別係炸蝦餅、魚餅＆香茅雞翼。蝦餅夠彈牙、雞翼煎得岩岩好，都算嫩滑，不過魚餅都係略嫌味淡、香茅雞翼就唔太出到香茅味，純粹似幾好食嘅普通煎雞翼咁。最後講埋個生菜包，肉碎有少少辣口，唔算炒得好香口，而且口感有點「鞋」，肉碎中亦有點碎骨。最後，要讚下個椰青，係好清甜嘅，不過$36一個就少貴。