小木屋之自悠廚房

Open Now

Now Closed

同事帶我來呢間，小木屋，原來係食馬拉野的。位於熟食中心內，預左衞生麻麻。坐位唔算多。齊齊坐圓櫈，唔算好迫夾，但絕對講唔上係舒服的。餐牌一張，由A 至 F 。第一次食，當然試試佢的肉骨茶。要食就要耐心的等待，大約二十分鐘左右先有。份量都幾多的，一個 man 都夠飽。新鮮逐煲煮，算熱辣辣嘅。肉骨兩條，有豆 pop , 特製扎肉同肉丸，仲有D金菇同生菜，講真係算足料的。可惜湯底偏淡，冇乜味，唔算咸亦冇乜藥材味。記得去馬拉食的肉骨茶係好重藥材味好補架麻，少少失望。套餐送特飲，係羅漢果陳皮甘草茶，味道可以的，飮得出自已煲冇添加。可惜係唔凍唔熱的常溫飲品，感覺唔衞生，個人唔太喜愛。