公子茶座 (Closed)

收工唔想返屋企煮飯，最方便就係在茶餐廳食。這一間公子茶座，雖然係新開不久，但是裝修有懷舊感覺，地方都算乾淨企理。閒日晚上並不多人，餐牌好似一本簿，寫晒各類菜式唔同的價錢，十分清楚，菜式的價錢也不算貴。公子冰梅骨$78酸酸甜甜， 非常開胃，排骨好大一條，一碟都有七條排骨，份量頗多。黃金蛋黃鮮魷 $108睇見網上評價好好食，忍唔住嘗試吓，但有啲失望，魷魚份量不少，但蛋黃醬偏鹹，除非配白飯食，就咁食真係有啲鹹。XO乾煸肉鬆四季豆$62XO醬肉鬆也是偏鹹，四季豆反而不錯。也是適合配白飯食。服務方面：兩位侍應哥哥非常勤快，差不多一吃完就馬上把碟收走，也就是普通茶餐廳的服務品質，快、快、快😂兩個人埋單，$268 ，價錢不算太貴，份量也頗多，但是真的要配白飯吃，如果齋食，味道就真係非常濃烈了。