百匯軒

Open Now

Now Closed

睇到其他食評，的確，服務真係一般，不過又真係超級多人食喎！慈雲山餐廳黎黎去去都係連鎖店，真係冇乜好食既餐廳可以選擇，今日就同屋企人黎食點心。我地得兩個人，可以搭枱，唔洗點等位。炸Bb乳鴿($38)，乳鴿冇乜肉，瘦得可憐，但係味道ok，又唔會有好油膩既感覺。蝦餃幾好食，入面載滿蝦肉，不過值錢就貴左啲喎。燒賣就不過不失，冇乜特別，普普通通咁。龍躉腩蒸飯($88)，因為我家人極愛食魚，就嗌左呢個飯2個人食，個飯既份量真係超級多，而龍躉腩味道正常。