Coffee by Zion

Open Now

Now Closed

呢間cafe 啲嘢食真心幾好食，唔似平時有啲cafe得個樣，但係味道普普通通，唔怪得之餐廳嘅人流都幾多～✎ 香蒜橄欖油扁意粉材料有菠菜、蘆筍、蒜同埋意粉。意粉爽口有咬牙，份量都幾多，整碟幾多蒜，蒜香味濃，再配搭橄欖油，健康之餘惹味非常，而菠菜同蘆筍嘅加入帶嚟清新感～✎ 牛油果美國熟成牛肉漢堡包材料有蕃茄、生菜、一片芝士、牛油果同牛扒。牛扒煎到外硬內腍，濃郁牛肉味，放入口香氣四溢～ 牛油果份量都幾多下，牛油果、生菜、蕃茄嘅配搭同樣都增添咗清新感，令到整體口感冇咁易膩；包皮好鬆軟。薯條整得幾脆，幾粗身，入口充滿薯仔味，食落亦唔會太淡，每條薯仔表面都灑左鹽，配埋蕃茄味濃郁嘅蕃茄醬，十份滋味！餐湯係bacon onion mushroom soup，香料味較重，菇幾爽口，整體偏creamy，好飲！✎ 薯餅 非常有薯仔味，外脆內腍～✎ 焦糖香蕉榛子醬可頌窩夫配朱古力雪糕材料有香蕉、藍莓、朱古力雪糕同埋窩夫。香蕉質感結實，唔係爛嗰種；藍莓口感新鮮；窩夫同樣外脆內軟，散發着香濃蛋香味，表面有糖霜同可可粉，而隔望都有啲焦糖醬同榛子醬可以點，份量適中令到整個窩夫甜而不膩；朱古力雪糕味道甜苦交疊，最正嘅係