夜。鐵板燒

朋友生日，因為佢鍾意食鐵板燒，所以每年同佢慶祝生日都會去食鐵板燒，咁當然每年都會選擇一間唔同嘅鐵板燒試吓，今次呢間都係Openrice睇下d相（我自己個人一般選擇餐廳，都係睇環境行先）覺得唔錯就去試吓！講完一輪廢話，講返嘢食，長話短說，食物味道係出眾既，正如廚師所介紹，d醬料同調味，好多都係佢地自家製，如果計味道，我估呢間係我食過最好食嘅鐵板燒（當然我有食過更貴既，不過我覺得果d係貴在食材，例如手板咁大隻活鮑魚），所以我朋友都食得好開心，不停讚d野好食！環境裝修都唔錯！服務態度都非常之好！唯一可以改善當然係價錢可以下調一下，現在市道唔好，果日途經山林道兩旁餐廳，都係小貓三兩隻，個個都北上消費，如果唔拉近d價格距離，好難長遠維持！個人意見only! Anyway, 野食，超級推介！