Seafood ghost (Closed)

石門商場開左好多餐廳，人流好多好繁華，位於呢個商場入邊嘅地下有一間門口寫住日文嘅餐廳裝修幾別緻，門口仲有好大個iron man，入面位置都好闊落。而家冬天佢有烤魚或者打邊爐選擇，感覺烤魚幾特別，不過由於朋友唔食辣，所以叫咗個蒜香味既鱸魚，賣相都非常吸引，而且香料非常充足，下次要搵返個食辣嘅朋友試吓佢招牌重慶烤魚。鱸魚之前食過，印象係幾滑，今晚都唔例外，係新鮮鱸魚，肉質好實好滑。食到咁上下，可以煮埋啲火鍋配料，成晚都冇掂過醬汁，因為個烤魚好夠味。