生記鮮魚湯米線 (Closed)

每次黎親上環都會想食生記，皆因佢既米線完全乎合我既個人喜好，魚湯鮮，麵偏淋，魚滑好味！今日一有機會又黎左食lunch喇！環境：上環商業區既lunch time，都可以想像到有幾多人黎食野，舖頭其實好細，大家都坐得好迫，背脊不斷俾人掃黎掃去，但黎得都預左喇。服務：呢度d侍應呀姐個個都係惡既，唔好預有咩好服務喇，最多係落單同執枱快脆。衛生：呀姐收野執枱快手快腳，但筷子匙羹係放係枱任拎，冇水或茶俾你過水架，但我又冇乜所謂既。味道：午餐份量都好大碗，女仔一定夠食，先講個魚湯，真係為間舖加返好多分，鮮魚味又唔會好似味精湯咁kok喉，我次次食都可以就咁飲晒d湯！個人鐘意食淋d既麵，咁岩佢地既米線就係偏淋！再加上彈牙又滑溜既魚滑真係好滿足！抵食：想係上環食個三十幾蚊時lunch真係唔多選擇喇，唔介意迫迫地食一餐，生記會係一個唔錯既選擇！