成都小巷米線雞煲

Open Now

Now Closed

路過見到新開一間食米線的店，唔食連鎖店就試吓新嘅小店啦！中午時間已經見到隔離枱食緊麻辣雞煲，好香。 自己一個去食中午餐就選擇食米線。點左一份清湯米線，加豬軟骨。如果我味覺沒問題，呢個應該係豬骨湯底，因為有豬骨濃湯寶嘅味。我3點去食啲湯仲係熱既，抵讚。米線都好軟滑，不會硬，配料有幾樣，留意餐牌，相中見到有芽菜同韭菜，如果唔食既朋友要注意。豬軟骨炆得好入味，肉滑不柴，軟骨可以直接食，醬汁味道好，推薦。店舖姐姐好熱情呀，所以整體感覺不錯，可以試下。