湯•米 (Changed Hand) New Restaurant

同朋友行左半日街, 攰, 想坐低打個邊爐抖下。本身係想食樓上個間的, 但人實在太多了, 就轉食樓下呢間。岩岩入去, 才傍晚6點, 冇乜人, 立即就有位坐了。餐紙上的恐龍仔, 可愛我同朋友就叫左招牌臭臭鍋, 朋友個老公就叫左巴蜀烤魚鍋。招牌臭臭鍋其實我冇食過臭臭鍋, 我唔知臭臭鍋沙底應該係點嘅, 但我地食呢個, 係沙茶湯底來。我覺得都OK, 但朋友就唔多喜歡了, 佢覺得淡。 同埋佢覺得臭臭鍋唔應該係咁既味(因為佢有食過臭臭鍋)。後來食嘅途中先聽到隔雜枱點菜, 店員先話畀佢地知原來原來嘅湯底冇晒了, 所以轉沙茶湯底, 如果唔中意, 揀其他湯底都可以。但我地叫個陣, 店員完全冇同我地講過呢! 呢點我覺得有D差。但我個人來講, 覺得都唔錯, 個個米血糕, 我第1次食, 覺得好得意!但其實得2舊仔其餘都係咩都有D咁啦, 1個人食其實夠食的。巴蜀烤魚鍋朋友個老公就叫左呢個, 我就冇食了, 但朋友就話呢個湯底好食好多。佢老公都話味道唔錯。 我見舊魚都大大舊的。而每1個鍋都可以跟一個飯/粉絲/公仔麵。不得不提嘅係, 公仔麵只得半個! 只得半個!!!望落真有D寒酸。 如果男士去食, 盡量就唔好叫公仔麵了