大自然素食

Open Now

Now Closed

久久未素，今日一於去食下。專登搵左間開得耐D的，估計水準有保證。平日晚上，早已 full house 都算旺場 。兩個人，點左兩餸一飯。海鮮鴛鴦飯 $88好大堆頭，個人喜歡白色飯多過紅色飯，略嫌太過多汁。香煎黑椒金錢扒 $78黑椒好重手，夠辣，金錢扒即是猴頭菇，唔覺得有煎過，少少失望。馬拉盞炒什菜 $68馬拉盞亦是重手的，味道同去泰國野食有九成相似，唔用蝦真的可以做到呢馬拉盞嗎？勁！不過菜就炒得過火左D，太熟了。茶介每位$12，望落有啲貴，其實係包左小食頭盤番茄仔，同埋濃味日式玄米茶，仲有是日糖水。免費送的甜品紫米露，甜度適中，紫米有咬口，都唔錯。服務好一般，每個阿姐都串串地，你的要求佢又唔係唔做，之不過硬係有啲嘢要講下，好有性格。最差的地方係枱太貼，樓底太矮，加上爆場。全程似響街市一樣，完全傾唔到計，冇下次。