川味閣

Open Now

Now Closed

元朗區好多食肆，試過其他區嘅川味閣，所以今日試埋元朗店。叫咗酸辣炸醬米線$28，比屯門店貴一蚊，加$8麻辣腩肉，腩肉偏肥，另外加了$6通菜，菜都翠綠，屯門嗰間會煮到d菜黃唒，味道OK。多肉碎同酸菜，味道可以，米線份量偏多，所以抵食嘅。但係杯嘢飲就比其他分店細好多。同埋張凳有椅背，之前喺屯門分店食過，要坐園櫈好唔舒服。，所以呢個係加分。另外要自己掃二維碼落單，有啲麻煩，見到有學生冇電話，阿姐都唔幫佢攞單，情願借手機俾佢掃二維碼，咁奇怪嘅？