涼皮小姐‧麻辣米線專門店 (Closed)

住係大埔三年，今日星期日心血來潮想食碗酸辣粉。openrice一check 先發現原來大埔除左連鎖個兩間，得一間小店賣酸辣粉。上網見話好多人排，緊係試吓佢。星期日提早打電話去，去到就有得拎，舖頭細細都幾多人等位。叫左兩個餸，一碗面都接近五十蚊，個分量真係唔多，女仔食完都唔係太飽，雞腎得四五塊，蘿蔔都切到好細舊。個湯底唔係太濃味，叫左中辣都唔係太辣。對比出面既麻辣米線，都真係算平平無奇，唔太對得住呢個價。但唔想行太遠，間唔中都可以食下。