如意冰室私房菜 (Closed)

今日收工趕去睇舞台劇，所以得好少時間食野，本身想食咖哩，但佢要等幾張枱，所以就走左黎呢間食啦。一入去，個到D職員見我地咁心急，都不停update我地幾時會有枱，又俾我地落住單先。入座後，餸菜好快上枱，但個感覺絕對唔係馬虎整出黎。佢既小菜價錢已經包左1碗飯同湯，以灣仔黎講，價錢唔算貴，絕對可接受。沙爹金菇牛肉煲，好夠鑊氣，而且佢絕不孤寒，無論食到第幾層，都係有好多牛肉點解會簡西檸雞呢，就係因為我地一入間店，嗅到有一枱食西檸雞，勁香，所以我地毫不猶豫咁簡左西檸雞食，果然冇令我地失望，西檸既酸味適中，雞亦都好滑。呢兩款小菜撈飯一流，最後我地食完好滿足，亦都好順利準時入場睇舞台劇。