京都薈 (Closed)

今日下午茶時間去到呢間酒樓，見到菜遠蝦球伊麵係下午茶價錢，好抵食於是就叫呢食，點知就一肚氣。上湯菜遠蝦球伊麵，聽起上嚟都應該會係好好食，以實際上如果煮得標標準準嘅話都應該會好好味，但係呢一個就唔係，呢碗麵外觀睇起上嚟好似好靚咁樣，但係嗰啲伊麵煮到好淋，真係淋-ber-ber到冇曬伊麵應該有嘅爽口質地， 應該係上湯嘅上湯根本係msg湯，雖然都叫做有四舊蝦球，但係蝦球好大陣雪藏味，唯一叫做正常味道嘅就係兩條菜心。 碗麵完全唔合格。雖然下午茶，好難同晚餐嘅相比，但係都唔好將貨就價去到咁樣，話到尾都係真金白銀畀嘅，如果出品咁求其，不如唔好出啦。