牛牛小廚

Open Now

Now Closed

疫情期間執左唔少小店，但幸好隨即開左新餐廳。今次呢間茶餐廳LUNCH時間，8成滿，估計味道應該唔差🤔。招牌豬扒蕃茄通 $48我本身以為好似翠X個茄通咁杰，但原來係兩回事😶，所以我麻麻地呢個通粉。豬扒調味唔差，但鹹左D，肉質偏實；火腿奄列有驚喜，蛋汁8成熟，而且好有蛋香；厚多士有烘過，上枱果陣雖然唔熱，但仲脆。咖哩脆雞球飯 $50咖喱好香，但鹹得制。炸雞份量好多、炸到好乾身，浸完汁都脆，不過有D介口；薯仔都有少，整體份量充足。食物選擇唔少，仲有午市套餐，價錢唔算好貴，不過以新餐廳黎講，環境整齊程度有待改善😥。