饕鍋物 (Closed)

昨晚和朋友共二人在銅鑼灣這間新開的台式火鍋店「饕鍋物」，大吃三杯雞鍋做湯底的火鍋也。雖然新開張，但可能佢晚市既$188「任食火鍋」幾吸引人，所以都幾有人氣，要等成25分鐘才入到場。所謂的「任食」，只屬晚市火鍋套餐的部份items，主食等東西只能五選一，勉強只能當是「半任食」。先選鍋既湯底，原本想食那個需額外加$50的蜆鍋，但賣晒，便選了個三杯雞鍋，對我來說個湯唔多夠味，但都食到麻油香，況且有數量唔算少的雞肉，可以食住等。主菜肉類五選一，選了極品牛三角，看似好肥，但食落口感帶爽勁，同一般肥牛唔同，有驚喜！跟住係「無限任選」的台式小食，侍應問係咪要晒，我話係，但最終只來了一款。第二次追加三款亦只來了兩樣，吹佢唔脹。四選一的主食要了滷肉飯，有油香，反而唔錯。至於個話「18款無限任添」的老饕海鮮菜盤（一盤上晒）唔錯，尤其D蠔幾肥美，不過「無限任添」都係吹水，我們想添食蠔都係冇，order幾樣東西只來了粟米。手工拼盤（追加要每人$25）不俗，那些手打丸類及雲吞吃得出是新鮮貨，豬血糕也沒異味。另外還包飲品及甜品，飲品要了鳳梨梳打，但甜品的芋圓居然話賣晒，沒有任何其他甜品補替，有點離譜！埋單連加一兩