泰國佬餐廳 (Closed)

之前去過堂食覺得味道唔錯，午餐同下午茶時段都有set幾抵食，疫情間咁啱見到外賣平台有優惠，就嗌個外賣再幫襯下啦～無骨海南雞好嫩滑又多肉，配咗一款泰色辣汁，不過油飯就冇乜特別；青咖喱汁好好味撈飯一流，有好多舊牛肉同茄子，咖喱汁如果杰身番啲就更加好。泰式豬頸肉幾香但有啲乾同硬；肉碎生菜包就最滿意，生菜幾新鮮，送嚟時係用保鮮紙包住，肉碎微辣好香口。泰式咖啡奶茶通常俾人感覺都好甜，但依間嘅又剛好，比較適合香港人口味。