Co-Dining Space (Closed)

尖沙咀📍樓上高質西餐館😚西餐迷又嚟試新餐廳啦🥳今次去咗依間位於尖沙咀樓上嘅小餐廳 環境睇得出有用心佈置🤣好多點點燈💡💡💡第一印象唔錯～食物方面我哋叫咗日本松葉蟹鉗配明太子忌廉意大利扁麵（$168）味道好特別 食得出好重嘅明太子味🤤不過個蟹鉗就略嫌鮮味唔夠 不過冇影響整體我對佢嘅評價😚有種食完會想再食嘅感覺💯 日本帶子配黑松露忌廉意大利扁麵（$168）呢個就冇明太子醬個味咁特別 但係黑松露醬都好夠 不過帶子調味就相對個意粉醬嚟講 味道較清淡 勝在大大粒 有咬口～雞翼拼盤（$98）大推💯 對於有選擇困難嘅我 最後決定一次過試晒佢咁多隻味嘅雞翼 味道分別為美式炸雞翼、水牛城雞翼、蒜香牛油雞翼同埋黃金雞翼（鹹蛋黃）啱啱炸起 炸到非常脆！！！我最鍾意係黃金雞翼！！！鹹蛋黃味非常好食😋必試！最後都有叫到佢哋嘅湯～南瓜甘筍忌廉湯（$48）佢哋嘅湯會keep住有唔同款式～是日靚湯係南瓜湯💕非常之鮮甜同重忌廉嘅奶香 分量十足 同fds share都夠飲🤣總括嚟講佢哋嘅食物質素認真唔錯，唯一美中不足嘅係飲品方面偏甜同係用syrup整，我唔太鍾意🙈但絕對值得一試！