韓屋

Open Now

Now Closed

裝修同環境都幾舒服。燈光足夠，唔會好暗令人覺得唔舒服。但係餐廳好細，枱同枱之間好少位，成間餐廳只係得幾張枱，座位好迫。食物種類唔多，都係一啲簡單嘅韓國料理。叫咗幾樣每樣都好食。人蔘雞湯隻雞啲肉好軟林林，啲骨頭都可以一咬就碎。再叫咗個牛骨湯，好好味。不過可能有好多味精，飲完都幾頸渴。不過好味。再叫咗蒸餃子同埋蒸泡菜餃子。最後再叫咗個芝士牛肉bibimbap. 都係一啲好普通嘅韓國嘢食，不過雖然簡單但係每一樣都好味。有韓國地道味道. 用餐時間只得75分鐘。侍應好準時叫我哋埋單。晚飯時間門外都好多人等緊位，所以快快食完，快快埋單走。所以如果想同朋友慢慢坐低傾偈食飯呢度唔係最好嘅選擇。