Video
Read full review
2008-07-28
5 views
尋日同家姐尖沙咀shopping 同睇戲, shopping完買埋戲飛就諗住食個tea "hea"下時間等開場, 行到去LCX 見到鈴木咖啡館, 門口得2 pair人等位, 家姐一心想搵件CHEESECAKE食吓, 咁我地就係門口個餅櫃睇下D餅啱唔啱食, 依......都好多款吓喎, 10多款賣相好精緻下, 又唔駛點等, 決定就呢間啦 係門口等緊位時候,我同家姐就係餅櫃揀定要d咩cake, 好多都想試好難揀, 話咁快唔駛3分鐘就到我地入去, 值得一提, 入去前我地問帶位姐姐d cake太多, 唔知邊隻好食, 佢個位姐姐態度好好, 好主動推介左2款連佢自己都好中意食既口味俾我地, 我地就決定要個2樣,其中一件雙層朱古力芝士得番一件, 仲自動即刻幫我地留起先, 另一件係雙層芝士,上層係南瓜cheese黎。睇睇下餐牌, 諗住食埋飯, 所以點菜時要求最尾先上甜品,叫左少少野食,上桌次序如下:1)白汁菠菜帶子意粉------->味道幾好, 個汁唔漏, 意粉煮到軟硬適中, 個人中意呢種少少偏硬口感, 嫌帶子細粒左d, 菠菜唔老冇苦澀味, 自己加左d c
係門口等緊位時候,我同家姐就係餅櫃揀定要d咩cake, 好多都想試好難揀, 話咁快唔駛3分鐘就到我地入去, 值得一提, 入去前我地問帶位姐姐d cake太多, 唔知邊隻好食, 佢個位姐姐態度好好, 好主動推介左2款連佢自己都好中意食既口味俾我地, 我地就決定要個2樣,其中一件雙層朱古力芝士得番一件, 仲自動即刻幫我地留起先, 另一件係雙層芝士,上層係南瓜cheese黎。
睇睇下餐牌, 諗住食埋飯, 所以點菜時要求最尾先上甜品,叫左少少野食,上桌次序如下:
1)白汁菠菜帶子意粉------->味道幾好, 個汁唔漏, 意粉煮到軟硬適中, 個人中意呢種少少偏硬口感, 嫌帶子細粒左d, 菠菜唔老冇苦澀味, 自己加左d cheese同少少tobasco, 帶出鮮味, 幾好食, 不過份量細d, 家姐差d想叫佢俾個匙連汁都撈埋
2)日式pancake(唔記得咩名)---->材料有鰻魚, 墨魚仔海鮮既野,牛油果,蟹子同沙律菜等配d日式sauce, 上面灑上木魚碎, 味道ok, 不過又係好細囉(見圖比例),
3)焦糖抺茶鮮奶----->好飲, 唔覺得佢甜, 又唔漏, 飲落清新, 比想像中好, size終於正常番
4)甜品,
double chocolate cheesecake--->共3層上面2層係2種唔同口感朱古力cake加最底層白色creamcheese, 我唔"好"朱古力都覺得好色, 愈食愈中意
double cheese cake----->上層係橙橙地色南瓜cheese, 下層就creamcheese, 家姐話好好味
*好遺憾2個人掛住講同食, 唔記得影埋cake俾大家睇*
成餐飯味道水率唔錯, 冇難食感覺, 食緊時候仲勾起係日本成日"掃"意粉歎cafe日子添呀
而服務水平除左門口個位小姐好好之外, 我覺得入面服務員需要改善下, 我覺得有主菜提供既食店應該要主動俾杯水俾客人, 唔應該等人叫, 發現隔離枱情況一樣, 同埋食物上桌時餐具唔係一齊黎, 好奇怪, 攪到問佢攞野都分左好多次, 同埋有位女侍應, 應該係屬高級d/資深既, 佢對客d面口唔係咁好, 知道依家做服務業係好辛苦, 但作為一個客人,唔期望你會笑容燦爛, 但都唔想佢唔笑仲黑黑地面走黎同我地落單同收錢, 希望佢地會改善吓啦!
價錢方面cake我覺得低食值得一試, 其他就唔算平, 可接受黎形容
Post
