Video
Read full review
2023-05-06
1391 views
先講食物，我今次第一次嚟食，所以除咗個海皇炒飯之外仲叫咗個黑松露蝦仁炒蛋。炒飯超大份而且鑊氣唔錯，配料就正常急凍貨，冇咩味，但係都算足料。松露蝦仁蛋就炒得夠滑夠香，係細碟咗少少，但呢個價錢我覺得可以接受。但係，呢間嘢嘅管理方面就真係極度需要改善。首先我唔會推薦一個人自己嚟食呢間嘢，因為呢間餐廳只係留咗 *一張枱* 俾啲1-2人嘅食客入座。當日我放假自己一個人去，見到出面負責接待嘅姨姨一直放啲遲過我到嘅3-4人入座。直到我等咗半個鐘，見到佢又準備放其他人入去，我先同姨姨講我已經等咗好耐，個姨姨先勉為其難咁騰空一張枱畀我入座。（認真講，你留啲大枱俾5-6人以上嘅我理解，但你啲3-4人枱應該可以留番幾張俾啲人數少嘅搭枱掛？我覺得一直要啲早到嘅人遲入座唔太合理）然後第二樣嘢就係呢間餐廳嘅上菜速度極慢。呢樣嘢喺觀塘區放飯真係死罪黎。我見到隔離幾檯同我差唔多時間入座嘅客人（有啲係早過我入）等咗40幾分鐘都未有嘢食，結果佢哋有啲人要走先，淨低嘅就叫姨姨幫佢轉做打包拎走。我自己碟蝦仁炒蛋25分鐘上咗黎，本身諗住慢慢食，等埋碟炒飯，結果食下食下就食曬碟蛋，碟炒飯都仲未到（所以碟蛋冇影相）。原本都有諗過催
但係，呢間嘢嘅管理方面就真係極度需要改善。首先我唔會推薦一個人自己嚟食呢間嘢，因為呢間餐廳只係留咗 *一張枱* 俾啲1-2人嘅食客入座。當日我放假自己一個人去，見到出面負責接待嘅姨姨一直放啲遲過我到嘅3-4人入座。直到我等咗半個鐘，見到佢又準備放其他人入去，我先同姨姨講我已經等咗好耐，個姨姨先勉為其難咁騰空一張枱畀我入座。（認真講，你留啲大枱俾5-6人以上嘅我理解，但你啲3-4人枱應該可以留番幾張俾啲人數少嘅搭枱掛？我覺得一直要啲早到嘅人遲入座唔太合理）
然後第二樣嘢就係呢間餐廳嘅上菜速度極慢。呢樣嘢喺觀塘區放飯真係死罪黎。我見到隔離幾檯同我差唔多時間入座嘅客人（有啲係早過我入）等咗40幾分鐘都未有嘢食，結果佢哋有啲人要走先，淨低嘅就叫姨姨幫佢轉做打包拎走。我自己碟蝦仁炒蛋25分鐘上咗黎，本身諗住慢慢食，等埋碟炒飯，結果食下食下就食曬碟蛋，碟炒飯都仲未到（所以碟蛋冇影相）。原本都有諗過催下啲嘢食，但係見到隔離早過我到啲打工仔都仲未有嘢食，所以我放棄咗。最後我碟炒飯等咗50幾分鐘先到，如果我嗰日唔係放假的話我都一早走咗。
臨走前我都同餐廳位哥哥仔傾咗兩句，知道原來間嘢淨係開咗兩個月左右，所以希望佢哋日後會改善，同埋啲嘢食質素都可以keep到啦。
海皇炒飯
62 views
2 likes
0 comments
Post
