Q Time Cafe

Open Now

Now Closed

近排大食妹搵到呢間環境幾輕鬆舒適, 又可以同好姊妹傾偈坐耐少少嘅Cafe前兩日食得太多油膩野, 今日想食輕盈少少, 嗌咗個OL Special套餐百零蚊有齊主食、餐湯/沙律、甜品同餐飲, 非常抵食<香菇蘆筍蒜片炒意粉>今日嘅套餐主食係香菇蘆筍蒜片炒意粉炒意粉蒜香十足, 味道清新甜甜地最上高仲擺咗一隻窿邊嘅太陽蛋, 吉開個蛋黃等醬汁留落意粉度會更好食<沙律>朋友嘅沙律好fresh, 食材非常新鮮<羅宋湯>是日餐湯係羅宋湯, 蕃茄味道濃郁天然, 感覺好健康<凍咖啡>餐飲就嗌咗凍咖啡, 奶同糖漿係分開上嘅, 可以根據自己口味調較, 有彈性最後到咗大食妹至愛嘅甜品<朱古力慕絲蛋糕>朱古力慕絲蛋糕超級好食蛋糕由上而下分別係朱古力慕絲、朱古力海綿蛋糕、帶有果肉嘅紅莓醬同餅乾脆脆口感層次分明, 酸酸甜甜, 完全冇違和感<抹茶紅豆慕絲蛋糕>雖然大食妹唔係好鍾意食抹茶同紅豆, 但係都幾鍾意呢個慕絲蛋糕抹茶慕絲唔會太苦澀, 紅豆蓉沙沙甜甜, 味道唔錯