梁記餃子麵坊 (Closed)

就係奶奶屋企樓下，成日大排長龍。原因得一個，好味大件夾平。好好彩唔使等位，最後一個搭枱位比我地坐埋。可能多食客關係，都等左10 分鐘。老公既菜甫沙葛淨餃子。有7粒。餃子入面包豬肉。 唔知點解今次食有少少咸。餃子入面有沙葛同菜甫，好爽口好有口感。餃子大粒，食到中間都好夠熱。我就叫左個豬扒沙葛餃雙拼上海面。 豬扒新鮮炸起， 美中不足我覺得應該要另外上，因為放上湯上面會淋。 份量都幾多，食完好飽凍豆漿岩岩好口唔會太甜， 但覺得太細杯。雖然野食好味，但要頂得順呀姐d 皮氣食食下野有食客問有無紅豆冰，呀姐大聲到有回音甘講左個"無"字，而且塊面全程西到爆，表露一副唔想做但又要做既樣，真係可憐。