湘蜀人家

Open Now

Now Closed

今日去灣仔等個friend 收工去行下街，順道响附近食晚飯，行經大有廣場見有間湘川菜館，佢話佢都未試過不如試下啦！湘川菜我👌呀！店舖裝修以中國風為主，座位闊落，環境整潔。我哋點選咗幾款小菜後，店員會送上一小碟醃菜，好似韓式辣泡菜嘅冷盤，辣辣地幾好食😋。烤豬仔骨 $130.-一大塊豬仔骨大約有9條小骨，表面燒得香口乾身，肉質軟腍，易切又易咬。本身已有陣陣孜然香味，點埋另配的辣粉，更加香口惹味。黑醋小排骨 $118.-黑醋味香濃甜度適中，排骨細細粒易入口，肉質腍滑帶些微肥糕，令肉香味更出。京蔥爆牛肉 $108.-京蔥爆牛肉炒得非常有鑊氣，牛肉有7成熟，質感嫩滑，京蔥有燶邊，味道調得好，好食。紅糖糍粑 $53.-外層炸得非常香口，內層軟糯濕潤，配上紅糖漿，更加好食。自家制豆漿 $22.-食完川菜飲番杯豆漿，感覺十分完滿😊。