紅蔥頭 (Closed)

和朋友食晚飯聚舊，叫了一個$178既二人餐，份量一般但味道就好好。羅宋湯、蒜蓉包和凍檸水一般，冇咩特別驚喜。牛油蒜蓉焗青口薯蓉，幾香幾好食，不過有少少燶，係個殼舀出黎食個陣，有好多黑色野跌出黎。食完呢個之後，侍應主動幫我地換了餐具和碟。不過唔換都唔得啦，咁多黑色野係個碟度，唔通一陣食其他野食埋佢咩！檸檬牛油帶子併燒汁牛柳，份量略少。牛柳八成熟，燒汁又好味。帶子好鮮味，不過我唔覺有檸檬味囉。紅酒燴鴨胸天使麵，鴨胸幾又"林"又好味。甜品藍莓cheese cake一件，不覺得有什麼特別，一般好食啦！不過送得一件二個人食，略嫌不夠食。