咖啡灣 (荃灣千色匯) (Closed)

傳說中既咖啡灣，就算我唔食甜品都要黎試下，佢地有三間分店，今次黎左荃灣。八點幾到，唔洗點等位已經有得入，帶位的侍應非常好笑容，有壽星走果時佢仲大聲嗌生日快樂，好cheerful！門口已經有好多裝飾，入面貼滿memo，好多都畫得好靚。叫左個軟殼蟹沙律，有凱撒醬、黑醋、芝麻醬可以揀，我揀左凱撒醬。軟殼蟹上台仲暖暖地，炸得酥脆，有少少咸，配淡味的沙律幾match。沙律菜份量唔算多，菜無苦味，整體幾好食。