Video
Read full review
2010-02-07
268 views
星期六喺東涌, 突然之間好想食泰國菜, 諗起東涌MTR站附近(近映灣園專車嗰個出口)有一堆食肆專車, 嗰度有間泰國菜館, 於是行過去睇下。車站有好多個招牌, 其中「新華都海鮮」亦都係成日去嘅, 今次就試下「小泰皇」啦~~ 打電話去, 係泰國女人聽, 不過就講廣東話, 佢話車站嗰度就有專車坐, 果然等左一陣就有架七人車, 車頭寫住餐廳名。司機提我地要戴安全帶, 幾有安全意識。去到「小泰皇」, 冇乜客人, 可以坐出面或入面, 今日天氣唔錯, 咁我地就坐出面。出面係一個露天茶座, 雖然簡簡單單冇乜裝修, 不過都幾舒服, 氣氛唔錯。侍應係泰國人, 好有禮貌, 有笑容。我地點左:1. 公車攬霸(泰式生蝦) ~~~$60 有十隻, 生蝦新鮮, 個汁正宗, 勾起我地喺泰國沙美島水上餐廳嘅美食回憶~2. 綠咖哩雞~~~~ 唔記得幾錢, 大約50 -60, 呢個咖哩好有驚喜, 個汁好正, 用嚟撈飯一流~~3. 椰汁雞湯(小) ~~~ $55 ~ 真係有椰汁同埋雞味, 唔似有D餐廳得個辣字4. 泰式炒金邊粉~~~ 都係唔記得幾錢~~ 金邊粉炒得幾靚, 有嚼口, 味道好有曼谷街頭小炒風味5. 兩個椰青~~完
去到「小泰皇」, 冇乜客人, 可以坐出面或入面, 今日天氣唔錯, 咁我地就坐出面。出面係一個露天茶座, 雖然簡簡單單冇乜裝修, 不過都幾舒服, 氣氛唔錯。侍應係泰國人, 好有禮貌, 有笑容。我地點左:
1. 公車攬霸(泰式生蝦) ~~~$60 有十隻, 生蝦新鮮, 個汁正宗, 勾起我地喺泰國沙美島水上餐廳嘅美食回憶~
2. 綠咖哩雞~~~~ 唔記得幾錢, 大約50 -60, 呢個咖哩好有驚喜, 個汁好正, 用嚟撈飯一流~~
3. 椰汁雞湯(小) ~~~ $55 ~ 真係有椰汁同埋雞味, 唔似有D餐廳得個辣字
4. 泰式炒金邊粉~~~ 都係唔記得幾錢~~ 金邊粉炒得幾靚, 有嚼口, 味道好有曼谷街頭小炒風味
5. 兩個椰青~~完全唔知幾錢就叫左~ 椰青夠凍, 又甜, 好解渴, 椰肉仲可以掏出嚟食~
我地後尾坐喺度傾左好耐計, 傾到D客走哂, 侍應開始收鋪我地先埋單, 但都冇人催我地~ 仲有專車送返我地出MTR 站~~
呢一餐食左$314 ~~ (已連加一)
位置: 3/5 (喺東涌已經係遠, 入到去仲要轉車, 不過佢逢星期五六日都有免費專車, 都ok , 而且我住得唔遠, 對我嚟講值3/5 分~ 對住出面嘅朋友嚟講當然冇咁高分)
環境: 3/5 (唔係豪華裝修, 不過簡單中又帶有泰國特色, 已經合格, 乾淨清潔再加分)
服務: 4/5 (由司機到侍應都好有禮貌, 笑容親切, 用泰文同我地講「多謝」, 令我以為自己喺泰國)
食物: 5/5 (試左5款, 全部都好好食, 廚師應該係泰國人, 味道真係好正宗)
價錢: 4/5 (呢個價錢同喺泰國食差唔多~ 唔知香港仲有冇地方平過佢, 不過就實有大把地方貴過佢~ )
一定會再嚟~~~ (過兩日有相再貼先~)
係喎呢度可以帶汪汪架~~
Post