老川皇

Open Now

Now Closed

我們今天去探望奶奶，她在廣東道安老院，探望完她，就想去吃水煮魚，當然要去老川皇啦，一間係附近樓上，一間係地舖，樓上果間地方有幾千呎，地方大當然好坐好多可是我覺得味道冇地舖好，結果去了地舖果間。地舖地方比較細，約有三、四十個位，如果兩個人黎，可能安排搭枱，所以我們通常都會六點幾就到，一到就有張兩人枱。我們叫了一個麻辣水煮魚，一個萵筍炒臘肉，一個燒茄子，兩份燒菠蘿。水煮魚－魚片用生粉醃過，好滑，仲有魚腩，仲有大豆芽在底，聽侍應講大豆芽可轉娃娃菜。萵荀臘肉－臘肉好有煙燻味，不過今次廚房冇炒香臘肉，就放萵筍，所以萵筍冇臘肉煙燻味，失了水準😰燒茄子－蒜蓉好多，剛燒起吃好好味，涷了冇咁香同好味😉燒菠蘿－完全冇燒過痕跡，好似用鍚紙包住來燒，唔通改了燒的方法？不過都好甜😋小插曲：隔離枱的水餃唔熟，他們埋單覺得好平，原來他們的部分燒烤單放了在我們的枱，好彩我埋單有check單，如果唔係比多幾十蚊，所以記得check 單，因為侍應有入錯單同漏單情況。連餸加飯和一枝金威，埋單$261。