小越南 (Closed)

我喺美孚返工，成日都會嚟小越南食晏晝。以前樣樣都算幾好，服務態度、食物味道、出餐速度都好。最近再去，感覺質素有明顯下降。不過心諗唔係太差就算啦。今次去竟然俾個洗碗阿姐激到。平時已經黑口黑面，攞垃圾出嚟整到我都算，我都無出聲，打工辛苦係人都明。不過今次個阿姐好似食左火藥咁，攞碗筷出嚟發脾氣咁丟落張枱度，嘭一聲嚇到我心都離一離。因為我坐喺廚房門口位，有兩隻筷子飛埋嚟整到我，佢望都唔望，執都唔執下就走左。我覺得錯愕之餘仲覺得幾失望。對熟客都係咁，連唔好意思都無一句。一次係咁，兩次係咁，太失望！