川府宴 (Closed)

同囡囡行完街，佢話想食酸菜魚，於是用開飯app搵，揀左呢間，因為就腳，同埋見食評唔錯。打開餐牌，阿女話酸菜魚528蚊，之前響旺角尖沙咀食過幾間，最貴都係三百幾。我覺得價錢唔緊要，至緊要啲質素對得住個價就得。酸菜魚上到黎，味道比預期好，魚肉新鮮滑溜入味，伴菜有豆牙，夢卜，粉皮之類，都幾好味，呢part值得贊。要彈嘅，係食物份量 － 落單時職員特登提我「係一條桂花魚嘅份量」，但係我同阿女夾左幾次就幾乎夾唔到成塊嘅魚肉，撈出來都係拌菜。平時我唔食魚頭同尾嘅，但真係想食多幾塊，今次唯有「輪」埋⋯⋯總結：味道幾好，但份量同價錢唔成正比。計埋加一，6舊水得10零塊魚肉，真係偏貴囉。如果用而家興嘅性價比標準，佢會好低分。我明白香港租金貴人工高皮費重，但仍然希望食肆可以有良心啲，咁先會有回頭客。