深井陳記燒鵝茶餐廳 (Closed)

係一般臘味店來講店都係咁上下大嘅喇，但係擺太多位喇，坐係°食嘢，一唔小心就撞到隔離我friend嘅手喇！而且d服務員都唔知係度做乜，坐係咁顯眼嘅地方叫咗兩次都當冇聽倒，真係火都來埋。算了，講食嘅喇。叉鵝飯，叉燒有d甜，肉唔會覺得喍，都幾好味。燒鵝嘅肉比較多，皮仲算脆，肉裡邊仲有d汁，但係肉真係太多喇，唔夠肥。我friend嘅四寶飯幾好下，紅腸比較脆口，味道唔錯！燒鵝一樣好味。油雞嫩滑，皮比較爽口，唔會覺得肥，鹹蛋可以，無功無過。點雞嘅醬料好香，但係有d咸，用來餸飯啱啱好。奶茶麻麻不評價，不過依家天口熱，都係凍奶比較爽。