金家樂茶餐廳

Open Now

Now Closed

爸爸生日，因為佢比較鐘意食小炒。今次就揀左呢間茶餐廳。有好多唔同既小菜，應有盡有。特別係菜膽雞真係好正，每次黎到都會叫。D雞夠哂滑又大件，D 介菜都好大條好好食。通菜煲就更加入味，好岩送飯！哈哈～ 而咕嚕龍鳳球就係雞球同埋蝦球，D汁夠哂味同酸酸的好開胃。今次叫左個聖子，好新鮮好好食。每次去到都會有糖水送,除非送哂。所以愈早食就愈好。服務態度也不錯，都會迅速落單同埋處理食客的要求。係有時急Ｄ，會燥少少。整體黎講都算很好，好岩一家大細去食飯。另外我地有預早打電話黎BOOK位，去到餐廳即刻有位。