Primo (Closed)

今日咁岩喺灣仔收工，同行嘅同事就話不如食埋晚餐先，經過呢一間餐廳做緊promotion，所以就入去食下啦。呢度嘅店員同埋廚房都係外國人，所以成個口味都好外國嘅風格而且呢度嘅職員都好樂意為你介紹唔同嘅菜式，令我哋更清楚呢度有咩特色菜。我哋就揀咗店員推介嘅西班牙辣蒜海鮮意粉，佢哋話呢個係佢哋嘅招牌意粉之一。但係因為我本身唔係好食得辣所以特別remork咗小辣。個意粉同出面食到嘅意粉嘅味道好唔一樣，值得一試。另外再叫咗一個沙律，見到有羽衣甘藍嘅凱撒沙律，覺得呢個組合幾得意，而且羽衣甘藍係一種好健康嘅食物，所以就一於試吓啦。食辣芝士味比較重，因為都落咗好多芝士，亦都好Freash另外再叫咗漢堡包，咁burger嘅麵包都做得好好外脆內軟。整體來講呢一餐飯都好滿意，值得回頭再返嚟食啲食物，唯一就係位置上比較唔係好就腳。但係價錢方面以灣仔區來講，性價比都好高。