蘇杭冰室

Open Now

Now Closed

心血來潮好想食啲好邪惡嘅嘢食，一路行一路揾，比我見到蘇杭冰室個餐牌上面有芝士撈麵，bingo，exactly係我想揾嘅嘢。記得以前蘇杭冰室會兩間分店一間做中餐另一間做西餐，不過而家好似冇再分。餐牌上面仲有好多港式茶餐廳會見到嘅菜式，如果唔可以今日心血來潮嘅話，應該會嗌餐蛋飯，今次就要咗佢嘅招牌炒蛋及芝士撈公仔麵。個麵大概十幾分鐘後到，先講下塊雞扒，因為得塊雞扒冇岀事，唔錯嘅幾入味，而且煎得幾香。個麵煮過哂火淋晒，唔似公仔麵，淋到好似麵糊咁。最大鑊係個主角啲芝士，聞落雖然好香芝士味但食落隻味好奇怪，好化學嘅味道，有種唔似係芝士應該有嘅味道，食完個胃勁唔舒服，搞到成個下晝都做唔到嘢。後悔食呢間，橫掂附近大把其他好嘢食，呢間唔會返食。