Crossroads Coffee (Closed)

本來今日諗住去北角警o既飯堂食飯，點知守門口果個警察姐姐唔俾入，一五人無奈地走o左去太古坊o個頭食晏。去o左呢間叫「Crossroads Coffee」，呢間o野開張o既時候會o係各大報章o既飲食版報道。間舖唔大，得廿零三十個位到。每日都有唔同o既set lunch，大概$40 - $55，包咖啡或茶，要加$10 先有餐湯。set lunch 方面，有幾款意粉、飯、沙律及三文治可選。叫o左「香草忌廉汁煙三文魚意粉」及熱咖啡，$48。意粉唔大碟，份量較適合細食o既OL，煙三文魚味道太鹹，個汁味道一般，普通。另有同事叫「XO 醬西蘭花雞柳飯」，$45，中西合，但味道不見突出。「吞拿魚螺絲粉沙律」味道清新，可惜凍冰冰，唔o岩食。呢間話晒係一間cafe，諗住咖啡質素都有保證o卦，點知杯咖啡完全唔夠味，好似一杯「正常」咖啡溝水咁，真係太失望，所以勸大去的話就唔好飲咖啡，同埋太大食都唔好去，以免食完仲要食麥記。