Video
Read full review
2017-09-04
394 views
之前食過兩次，都係蜻蜓點水咁試一兩樣嘢，味道、份量都算OK。今次難得同朋友喺呢頭一齊睇完戲，諗住再嚟而且可以食得豐富啲。好可惜，今次嘅經驗令我好失望。我哋八點鐘坐低，唔夠10分鐘已經完成落單，嘩！竟然喺8點15分已經上第一道tapas：煎薯仔奄列（Chorizo Tortilla）。嘩！一睇個樣，我問個侍應：做乜個奄列煎到咁燶呀？佢好似借咗聾耳陳隻耳，當聽唔到即刻走開，我同D朋友再三確認原來真係無錯，心諗，唔通個奄列去完非洲再返嚟？味道？個心情即刻沉一沉啦，食落咪就係煎到過晒火嘅炒蛋囉，唯一嘅好處係香香哋熱辣辣，而裏面嘅薯仔只係白烚，傳統菜式上應該有西班牙腸，但我唔太覺得食到囉，整體上味道毫無特別，甚至可以話偏淡，就好似啲薯仔唔記得落鹽咁樣！！真實版係咁嘅：而餐牌理想版本係咁嘅，白淨靚仔幾多：跟住，係另一道tapas：蕃茄煮薯仔煎蛋（Patatas Bravas）。呢味嘢上枱嘅時候用個鐵pan仔裝住，喂！？唔夠熱嘅？暖暖哋咋喎，佢上菜上得咁快，感覺佢好似喺廚房一早煮定，只係裝落個鐵pan，然後加隻煎蛋就搞掂拎出嚟。味道？用返茄煮過酸酸地嘅薯仔粒，配一隻煎蛋，感覺上唔使咁貴出嚟食，自己屋
7 views
0 likes
0 comments
而餐牌理想版本係咁嘅，白淨靚仔幾多：
跟住，係另一道tapas：蕃茄煮薯仔煎蛋（Patatas Bravas）。呢味嘢上枱嘅時候用個鐵pan仔裝住，喂！？唔夠熱嘅？暖暖哋咋喎，佢上菜上得咁快，感覺佢好似喺廚房一早煮定，只係裝落個鐵pan，然後加隻煎蛋就搞掂拎出嚟。味道？用返茄煮過酸酸地嘅薯仔粒，配一隻煎蛋，感覺上唔使咁貴出嚟食，自己屋企煮都得，味道完全冇驚喜。真實版係咁嘅：
8 views
0 likes
0 comments
而餐牌理想版本係咁嘅，睇吓真實版啲蕃茄乾一嚿嚿幾醜樣，同理想差太遠了！！
上次食過紅菜頭沙律（Beetroot Salad）好好味，而且又大碟，所以今次想食過返尋味，點知 ... 點解細碟咗咁多嘅？原本同餐牌份量差不多，今次同餐牌嘅份量就差好多！ ！慶幸嘅係，味道仍然同上次一樣，保持沙律汁甜甜酸酸嘅調味，有紅菜頭嘅清甜，冇菜彩頭嘅腥味。真實版本係咁嘅：
9 views
0 likes
0 comments
而餐牌理想版本係咁嘅，睇吓份量相差幾多，現實版個沙律碗空洞洞的：
好啦好啦，跟住終於到主菜出場，系一個接一個嘅失望！ ！首先係燒雞，改咗一個好爆嘅名叫做霹靂燒春雞（Piri Piri Chicken），係之前食過嘅，上次覺得燒得隻雞好嫩滑好多汁，而且個醬汁嘅味道好特別，其實就好似大家去澳門旅行食嘅「非洲雞」。咁今次點呢？冇乜嘢，味道依舊，醬汁依舊，但隻雞啲肉冇上次咁嫩滑，而且，成餐飯都係同一個問題，一隻微暖嘅燒春雞係乜嘢玩法？因為係招牌菜，所以星期日多人幫襯就燒定晒擺喺度？？咁大間餐廳，廚房咁缺人手咩？真實版本係咁嘅：
8 views
0 likes
0 comments
跟住落嚟，係今次好想食嘅另一道招牌菜：燴海鮮盤（Seafood Cataplana）。唔好講笑，呢個海鮮盤上枱嘅時候，心情跌到落谷底！嘩！咁混亂嘅？點解混亂成咁嘅？大雜燴嚟架？你俾返餐牌幅相個樣嘅三份二我都好吖！論味道， OK嘅，只係覺得比較鹹啲，係用好香濃嘅海鮮濃湯煮成嘅海鮮盤，有麵包蟹、大蝦、青口、花甲。其實，麵包蟹都係好睇唔好食，因為蟹殼口，啲蟹肉又好鞋，如果有得揀，我寧願食花蟹，其實，如果係澳門食，好多餐廳都係用花蟹。大蝦唔係唔新鮮，只係唔爽，咁就夠失望啦！至於青口同花甲係最好食嘅，又肥美又鮮甜。好可惜，仍然係嗰個問題，成盤嘢上枱嘅時候又係暖暖哋咋，做乜喺香港食葡國菜唔可以熱辣辣架咩？ ？嗱！現實版係咁混亂甚至可以話係核突嘅：
13 views
0 likes
0 comments
好啦，到最後嘅焗鴨飯。去過澳門食葡餐嘅朋友應該無人唔識啦！係澳門食最有名嘅焗鴨飯，就知道鴨肉係藏喺底，飯面要焗到脆，接近飯焦咁，面頭再舖上幾片葡國香腸，焗左啲油出嚟，滲落啲飯度，咁就一流啦！咁呢度呢？ ？飯面唔夠乾身，飯粒又碎又鬆散，即係啲飯粒係斷開哂，所以特別鬆散又碎，至於主角鴨肉，摷到落底，見到份量少之又少。真係覺得可以用唔合格來形容！ ！現實版係咁樣嘅：
7 views
1 likes
0 comments
今餐總括來講，真係失望一浪接一浪！點解廚房做嘢咁求求其其，完全對食物賣相毫無要求？？而且，俾人感覺上好似好多食物都係預先製作，搞到上枱嘅時候溫度只係喛暖，感覺真係好差！ ！
Post
