泰好味

Open Now

Now Closed

平時同fiancé比較鍾意食昭拍耶，不過比較貴，今次食返平啲。見到呢間都幾抵咁，就試下！一黎到俾左杯水我地，好似講左句野但又聽唔清楚，然後再望望隔離枱都係兩個人，都係得一杯水，所以我地相信佢個句係洗筷子。最後好肯定係用黎洗筷子，因為佢收起杯水之前問我地洗完筷子未😂😂叫左三樣野：豬肉碎生菜包、醬醬炒飯同泰式炒椰菜苗。上菜速度好快，十分鐘內上晒三樣野。豬肉碎生菜包辣辣地，未至於辣到痺，味道普通無驚喜。蝦醬炒飯一上菜我地就心心眼😍因為俾佢個心心造型吸引左，可惜食落太濕，唔夠乾身，而且食食下咬到粗鹽，好鹹，有啲鹽係直頭見到，即刻要挑出黎。佢啲泰國臘腸係切粒炒埋係飯入面，唔係一塊塊咁。蝦醬味都出既，但個飯濕同有鹽未溶扣晒分。呢排食親椰菜苗都成80-100蚊，呢度60蚊又幾抵！分量都唔算少，泰式炒唔係好辣，屬於微辣，金泰食個碟比，味道差不多，重要平啲多啲！而且唔會唔夠椰菜苗，跟住搭啲芥蘭想收我地正價咁奸！