潮式腸粉 (Closed)

喺電視見周中師傅介紹，腸粉就食得多，潮式腸粉都係第一次聽，好似好特別咁，專程黎試下。見到餐牌，好多都唔知咩黎，樣樣都好想試，覺得好新鮮。為左佢而黎既鮮蠔潮式腸粉，有D失望，冇預期中好食。好濕，個汁亦偏淡。腸粉同港式唔同，煙韌D，有少少似一大塊濕炒河粉。蠔仔唔多，好在有魷魚乾，冬菇吊下味。炒粿條，都幾大碟。味道同茶餐廳炒河極相似，好有穫氣，同時亦好油。粿條普通，稔左短左既油麵。炸大腸釀糯米反而唔錯，香脆可口，一D都唔油膩。點蜜糖，幾好食。試下都幾特別既，但就唔算好食。價錢唔平，炸大腸都要40幾。