鯛魚魚湯專門店 (Closed)

N年先黎一次鰂魚涌，原來呢度都幾多野食喎！我一直好鐘意試唔同既湯底，魚湯更加係我摯愛。-配料款式都幾特別，原來食湯烏冬都可以咁豪華，又龍蝦又鮑魚又花膠。不過我今日純粹為左鯛魚湯而來，嗌個平平地既蟹柳雕魚湯烏冬($68)就算啦！餐牌上有介紹到鯛魚湯係低脂肪，高蛋白質既食物，而且每碗魚湯都經過十多小時既精心烹煮而成～令人非常期待。魚湯呈奶白色，魚味幾重，帶點清甜，味道不錯，但並冇人地話一試難忘咁誇張。手打烏冬彈牙，口感好。而蟹柳就冇乜特別。-湯底同配料都OK，味道方面偏清淡，食落都幾單調，唔覺得有咩特別。個人都係比較鐘意食濃味啲魚湯🙈