蘇媽.蘇媽馬來西亞茶餐室 (Closed)

講真食過幾間馬來西亞茶室, 始終係蘇媽既味道最到位。由得深水埗一間店既時候就開始食, 到而家都仲係KEEP到水準, 任添既肉骨茶係當時吸引我第一次幫襯既原因🤣肉骨茶豬腳彎 $68店員見你飲到差唔多, 就會主動添加好貼心。肉骨茶藥材味香濃, 甜甜甘甘既味道飲左落去好舒服, 暖粒粒! 豬腳彎膠質豐富, 點埋佢地特調既醬油, 辣椒同蒜,  美味度即時提昇! 高佬麵配雞扒$68大讚哩個雞扒,  好耐都冇食過咁皮脆肉嫩又厚又JUICY既雞扒, 雞皮咬落去係咔嚓一聲個種, 好有炭燒個種感覺。麵拌勻左醬油, 香濃而不會過咸, 麵身彈牙冇過腍, 加埋銀魚, 花生同辣醬,  特別得黎又好夾好好味。椰香咖央多士$38哩款名物無需多講. 數一數二好食既咖央多。又脆又香甜. 每次黎必點。美祿暴龍 $42係美祿恐龍既進化版, 美祿波波再加特濃美祿, 正~桔仔話梅水 $26 就酸酸甜甜好醒胃又解渴。