茶墨 (Closed)

呢間主打水墨風嘅本地茶飲店，以水墨畫為主題，賣相一流。今日經過忍唔住買杯水墨風飲品嘆下，順便打下卡先。先講佢個signature水墨風飲品，一共有四款口味，包括: 麻糬芝麻烏龍鮮奶茶，芋泥茉莉鮮奶綠，黑糖珍珠芒果鮮奶同埋紫薯鐵觀音沙冰。我比較怕太甜嘅飲品，所以揀咗麻糬芝麻烏龍鮮奶茶（有得轉豆奶，實在太好!），感覺同水墨畫個意景夾啲。個水墨掛杯做得幾靚，好有水墨畫feel，打卡一流。味道方面，芝麻同烏龍味道出奇地夾，加埋好煙韌嘅麻糬，唔錯唔錯，好有驚喜。買飲品加＄28可以揀多件cake，見賣相唔錯，一於叫咗件榛子朱古力蛋糕。味道幾好，唔會太甜太creamy。總括來講，飲品同蛋糕質素都好好，尤其係水墨風飲品賣相十分吸引，打卡真係一流。順帶一提，落完單會俾個機你拎住，有得拎就會響機提你拎飲品。方便人客去附近舖頭shopping，唔駛呆等，好貼心嘅安排。