Video
Read full review
2022-06-05
145 views
睇到網上新聞介紹呢間將軍澳新餐廳，出於好奇心試下。坐低見到menu 得嗰幾款菜式已經想走，不過見佢試業中，咁就算啦。叫咗幾樣嘢，以下係感想同評價：1）明太子卡邦尼烏冬（$128）：兒童餐嘅份量可能仲多過佢！味道普通，似奶油忌廉湯烏冬仲多過卡邦尼，又水汪汪，一啲都唔卡邦尼，好失望。明太子醬係牙膏狀，一睇就知佢係即食枝裝明太子醬，連撈都唔幫你撈埋。2）照燒汁鵝肝鍋飯（$168）：飯好硬，只係得一塊仔鵝肝，唔夠撈，如果加隻溫泉蛋或者蒜片會好啲。見到其他食評有好大塊蘋果同好多蔥，點解我呢個咁無誠意？3）鹽燒和牛舌（$72）：味道ok，油蔥汁還可。4）鹽燒和牛橫隔膜（$168）：落單嘅時候仲諗住會唔會叫得太多，原來嚟到只有6-7塊細細塊牛肉，牛味都叫做濃郁嘅，個汁酸酸地，配塊牛同菜，都算清新。5）黑椒汁炸雞配熏醃白蘿蔔他他醬（$88）：表面炸到好乾不過裏面有肉汁，但係！佢極鹹！個醬有啲嘢古怪膠味，最後食咗一半放棄咗一半……服務：明明個餐廳坐唔夠3成滿，但啲侍應唔知點解，未食完都嚟問你收唔收得……全程都係咁，勁趕客……結論：No next time
坐低見到menu 得嗰幾款菜式已經想走，不過見佢試業中，咁就算啦。
叫咗幾樣嘢，以下係感想同評價：
1）明太子卡邦尼烏冬（$128）：兒童餐嘅份量可能仲多過佢！味道普通，似奶油忌廉湯烏冬仲多過卡邦尼，又水汪汪，一啲都唔卡邦尼，好失望。明太子醬係牙膏狀，一睇就知佢係即食枝裝明太子醬，連撈都唔幫你撈埋。
2）照燒汁鵝肝鍋飯（$168）：飯好硬，只係得一塊仔鵝肝，唔夠撈，如果加隻溫泉蛋或者蒜片會好啲。見到其他食評有好大塊蘋果同好多蔥，點解我呢個咁無誠意？
3）鹽燒和牛舌（$72）：味道ok，油蔥汁還可。
4）鹽燒和牛橫隔膜（$168）：落單嘅時候仲諗住會唔會叫得太多，原來嚟到只有6-7塊細細塊牛肉，牛味都叫做濃郁嘅，個汁酸酸地，配塊牛同菜，都算清新。
5）黑椒汁炸雞配熏醃白蘿蔔他他醬（$88）：表面炸到好乾不過裏面有肉汁，但係！佢極鹹！個醬有啲嘢古怪膠味，最後食咗一半放棄咗一半……
服務：明明個餐廳坐唔夠3成滿，但啲侍應唔知點解，未食完都嚟問你收唔收得……全程都係咁，勁趕客……
結論：No next time
Post
