八天堂 (Closed)

一路都好想同男友黎試八天堂既忌廉包，因為佢係吉士既超級fans~不過今日咁啱經過，心思思自己偷食左先xD。除左忌廉包，仲有雪糕，烏冬，飯，三文治等選擇，都幾多元化。環境都非常簡潔乾淨～～～鎖定目標💪🏻鮮忌廉吉士（$18)個包係平時食既餐包仔咁，但就好鬆軟。忌廉吉士饀係呈奶白色的，質感好軟滑，味道唔太甜但都好香奶味～不過食落感覺比較普通，食完一次未有衝動想再回頭。可能個人比較嗜甜，佢呢個餡甜度偏低，缺乏香甜既感覺。如果呢個價錢，我鍾意地鐵站內果種黃色既吉士饀泡芙多好多。