阿叔泰麵 (金殿臺漢宮閣)

Open Now

Now Closed

太古城新開嘅泰式店，叫咗最多人叫嘅阿叔牛肉船麵，上枱湯底非常濃郁，船麵有牛腩，炸豬皮及肉丸，味道非常正宗，份量夠大份，另外配料可以加糖加醋，咁樣食法味道更有層次。豬手飯配雞蛋，外皮筷子一夾就可以散開，個滷水底有少少藥材香，肉味道越食越吸引，送飯一流，如果有埋啲酸菜就更加好。飛天通菜，有啲炸椰絲在面，口感特別香脆，通菜炒得爽脆。最後叫了椰汁西米糕，底層有西米，粟米及香芋，味道清甜，椰香十足，充滿泰式風味。另外飲咗兩杯梳打青檸特飲，埋單三百零蚊，可以食到正宗泰式嘅味道。