十二味 (嘉峯匯)

Open Now

Now Closed

十二味係香港已經有超過20間分店，啟德分店開張無耐，今日黎到啟德決定試下佢既酸菜魚水準到底正唔正宗！酸菜魚$218，價錢都算合理，同其他餐廳既價格差唔多。份量都幾大份，魚肉去晒骨，食落嫰滑，無魚腥味，水準都幾高，配菜有酸菜、萵筍、雞髀菇，酸菜份量極多，食極都有😜。至於湯底味道都正宗，加入乾辣椒、藤椒、花椒、 炸蒜，入口帶麻味同辣味，幾都惹味，配白飯食真係一流🤤飲品方面就叫左杯熱情果梳打，$28但超大杯，兩個人飲就岩岩好☺️，熱情果味道香濃，甜度適中，解辣一流😜除左大大份酸菜魚，都有一人份既酸菜魚，午市套餐$68，包埋飲品，真係經濟又實惠，下次一個人都可以盡興！