摩芽雞蛋仔 (Closed)

雞蛋仔同夾餅嚟講，其實我比較鍾意食夾餅，不過一諗起入面啲糖呀花生醬呀煉奶呀等等等等，又高糖份又高卡路里，所以近年都好少食，只係好間唔中會食下雞蛋仔。摩芽雞蛋仔呢我就第一次食，睇佢 menu 都有幾多選擇，不過作為朱古力控，唔使點諗就揀咗雙重朱古力。一底雞蛋仔好唔好食，主要睇佢個質感同埋味道。傳統嘅炭燒雞蛋仔外脆內軟，口感一流，不過近年九成九雞蛋仔已經轉咗用電，質感唔同哂，變得又硬又乾，呢底都唔例外。雖然質感麻麻，不過味道係唔錯嘅，叫得雙重朱古力，朱古力味濃得嚟又唔太甜，幾好食。