明記甜品 (吳松街) (Closed)

朋友知我鍾意食糖水，所以同我食完晚飯之後就帶我去食，雖然佢都未試過呢間，但係佢話聽過喺佐敦附近最好食嘅中式糖水店。我哋兩個叫咗個番薯糖水，同埋薑水湯圓丸。兩個甜品我都覺得好冇誠意，番薯糖水啲糖水係冇番薯味，唔知佢究竟煲咗幾耐，番薯亦都唔靚，糖水有少少甜完全冇番薯加甜呢個層次。薑水湯丸嘅薑水係冇乜薑味嘅，好聽D就叫清，唔好聽嘅就叫根本冇料到，好彩個湯丸都仲叫有少少味道。難為呢間咁嘅甜品店都仲有咁多人食，直情坐到出門口，係咪香港好嘅甜品舖真係咁難搵？