錦麗 (世貿中心) (Closed)

本身起apm食過一次就已經念念不忘，即使銅鑼灣咁多選擇，我都忍唔住要去錦麗食碗越南牛肉粉。嚟到餐廳大約起十二點左右，唔洗等位。餐廳環境唔錯，有部份座位可以睇到海景添。你未坐好，佢第一件事就會放低一杯用嚟配牛肉粉嘅配菜。菜單十分精簡，因為無套餐，所以小食同飲品需要分開點，無得平。落單後五分鐘碗河粉就送到喇。越南牛肉粉嘅牛湯十分濃郁，偏鹹，建議大家叫一杯嘢飲或者問佢攞水，無叫飮品嘅可能會後悔。我比較重口味，所以個湯我飲哂咁滯。一份河粉嘅份量其實已經好足夠，因為口痕所以叫左一份炸手作蝦餅，佢嘅蝦餅切一半，落鑊再炸，每一粒四面都炸得好香，入口幾彈牙，唯一問題係貴咗啲。