PizzaExpress (東薈城名店倉) (Moved) New Location

今次叫左個海鮮pizza、麵包頭同奶昔。其實麵包頭可以變甜品，主要係個醬轉做朱古力但咁我又覺得無咩新意所以無轉。一入去基本上都幾整齊乾淨，之所以話基本係因為夜晚去同店內燈光比較暗睇得唔係咁清楚，店員都幾funny好似個朋友咁。奶昔基本上ok，係D cream味道覺得少少怪（唔係壞）但講唔出；到個麵包頭，主要係想試佢麵包ge韌道同佢調出黎ge醬汁，韌道ge話10分入面比7分，其實我係想食比較淋ge醬汁有兩種，香草同蒜香牛油（蒜蓉包隻味蒜味偏濃）各位唔鐘意食蒜ge朋友轉甜品好D，香草反而比較淡，可能俾蒜香牛油覆蓋左，個人建議切開個包將醬汁點入面會入味D；到個pizza啦～味道濃餅底脆，原來點蒜香牛油都幾好食但小心肥啊各位。p.s.味道係濃ge同時都覺得味精都唔少，只可以話高鈉ge朋友少食多塊